Størv á Hotel Brandan

Sí tøk størv niðanfyri á hesari síðuni.

Souschef til Hotel Brandan

Nú nærkast til okkara 4-stjørnaða grøna hotell, Hotel Brandan letur upp, og tí søkja vit eftir einum ágrýtnum souschefi.

Tú verður partur av leiðslutoyminum og verður tí við til at menna, góðskutryggja og seta títt eyðkenni á matarskránna og dagligu gongdina í køkinum.


Uppgávur

Tú hevur, saman við køksleiðaranum, dagliga ábyrgd av køkinum, bílegging og góðskutrygging av vøru. 

Harumframt kemur tú at:

Menna og skipa cateringdeildina saman við køksleiðaranum og cateringleiðaranum.

Læra upp og geva starvsfólkunum íblástur.

Taka tær av dagliga rakstrinum og menna innkeyp saman við køksleiðaranum.

Leggja arbeiðsætlanir til rættis og luttaka í leiðslufundum


Tín vangamynd

Tú ert áhugað/ur at reka ein køk bæði fíggjarliga og fyrisitingarliga. Tínar uppgávur verða fjølbroyttar bæði í køkinum og á skrivstovuni.

Tú hevur útbúgving sum kokkur.

Tú dugir at leiða og skapa gott samstarv millum starvsfólkini.

Tú trívist í einum livandi umhvørvi.

Tú elskar at gera mat og tað er umráðandi fyri teg at tryggja góða góðsku í tínum avriki.

Tú ert von/vanur við at arbeiða fjøltáttað við fleiri ymiskum matskráum


Setanartreytir

Løn- og setanartreytir eru sambært sáttmála og avtalu.


Freist at søkja

Freistin at søkja er 03.03.2020. Umsóknir verða viðgjørdar leypandi og í trúnaði.

Tú søkir starvið við at senda teldupost til hr@hotelbrandan.fo. Viðmerk ”Souschef til Hotel Brandan”.

Meira fæst at vita um starvið við at seta teg í samband við Rannvu Beder, køksleiðara, á telduposti rb@hotelbrandan.fo ella á tel. 239240.

Hotel Brandan letur upp í mai 2020. Hotel Brandan verður eitt 4-stjørnað hotell við 124 kømrum, 4 fundar- og veitsluhølum, matstovu og kafé. Hotel Brandan er partur av P/F Hotel Hafnia og hotellsamtakinum hjá Smyril Line.

Tænaranæmingur til Hotel Brandan

Hevur tú hug at gerast partur av einum dagligdegi, ið bjóðar tænastu í heimsklassa til okkara gestir?

Nú hevur tú møguleika at taka eina útbúgving sum tænari á okkara nýggja 4-stjørnaða grøna hotelli.


Vit bjóða

Eina fjølbroytta lærutíð í einari spennandi vinnu í vøkstri. Tú verður partur av einum toymi, har vit øll gleða okkum til at opna hurðarnar til okkara nýggja hotell í vár 2020.

Læru um gastronomi, drekkivørur og tænastu á altjóða støði.

Møguleikan fyri at royna teg umborð á Norrönu og á Hotel Hafnia um tú ynskir hetta.


Tín vangamynd

Dentur verður lagdur á, at tú sær tað sum ein spennandi vinnuveg at verða tænari. Tað er týdningarmikið, at tú hevur lætt at práta við fólk.

Tú tekur ímóti gestum okkara við einum smíli og ynskir at geva gestunum eina góða uppliving.

Tú trívist í einum lívligum umhvørvi, har tú dagliga hevur samband við nógv ymisk menniskju.

Tú er áhugað/ur at læra meira um tænastu, mat, vín og alt annað, ið er við til at geva gestunum eina góða uppliving.

Lærutíðin er 3 ár og 10 mánaðir, við skúlagongd í Danmark. Hevur tú tikið grundskeið sum tænari, er lærutíðin 3 ár. Tó er hetta ikki ein treyt fyri at søkja læruplássið.


Setanartreytir

Løn og setanartreytir eru sambært sáttmála millum Føroya Arbeiðsgevarafelag/Føroya Handverksmeistarafelag og Føroya Handverkarafela/Landsfelag Handverkaranna. Lærutíðin byrjar 13. apríl 2020.
 

Freist at søkja

Freistin at søkja er 3. mars 2020. Allar umsóknir verða viðgjørdar í trúnaði.

Tú søkir læruplássið við at senda títt lívsrensl og umsókn við meira til hr@hotelbrandan.fo. Viðmerk ”Tænaranæmingur til Hotel Brandan”.

Meira fæst at vita um læruna við at seta teg í samband við Jan Ova W. Olsen, á jo@hotelbrandan ella við at ringja 239255. 

Hotel Brandan letur upp í mai 2020. Hotel Brandan verður eitt 4-stjørnað hotell við 124 kømrum, 4 fundar- og veitsluhølum, matstovu og kafé. Hotel Brandan er partur av hotell-samtakinum hjá Smyril Line (P/F Hotel Hafnia).